సినిమా అనగానే కళ్ళు మిరుమిట్లు గొలిపే సెట్టింగులు అందమైన ఆరడుగుల హీరో ,చక్కని హీరోయిన్ ,డాన్స్ లు ,పాటలు ,ఛేజింగులు ,ట్విస్ట్ లు కళ్ళముందు కనిపిస్తాయి . ఈ జిగేలు మనే వెలుతురు వెనుక చీకటి కోణం ఉంది . ఎక్స్ స్ట్రా యాక్టర్స్ ,సినిమా మొత్తంగా పరుచుకునే గడ్డి మొక్కలు . పేరు,ఊరు కనిపించని మహానటులు వీళ్ళలో రెడీ శ్రీ శైలం ,పావలా శ్యామల ,పొట్టి వీరయ్య ,ఆయన కూతురు గట్టు విజయ ,సరోజ వంటి వారి జీవితాలు సినిమా కథల కంటే ఎక్కువ ట్విస్ట్ లతో ఉంటాయి . నాటక రంగం లోంచి సినిమా ల్లోకి వచ్చింది పావలా శ్యామల. 2500 సార్లు ఉత్తమ నటి అయిన ఘనత ఆమెది . 34 సంవత్సరాలు నాటకాలు వేస్తూనే ఉంది తర్వాత సినిమాల్లోకి వచ్చింది 60 సినిమాల పైనే నటించింది . ఇంత గొప్ప శ్యామల నిజ జీవితం లోటుగా ఉంటుంది ? ఎలా బతుకుతోంది ? ఇన్నేళ్ళ నట జీవితం శ్యామల నిజ జీవితం శ్యామల రూపం ఓరగా బెట్టింది . ఇదిగో ఇలాటి కథలన్నీ వెతికి పట్టుకొన్నాడు బత్తుల ప్రసాద్ … ఎంతో మంది ఎక్స్ ట్రాల జీవితాలన్నీ కృష్ట నగర్ చుట్టూనే ఉంటాయి . ఇవ్వాళ వెండి తెరపైన వెలిగే ఎంతో మంది సూపర్ స్టార్స్ ఈ కృష్ట నగర్ ఇరుకు సందుల్లో బతికి స్టూడియోల చుట్టూ తిరిగిన వాళ్ళే బత్తుల ప్రసాద్ స్వతహాగా రచయిత ,జర్నలిస్ట్ ,పైగా వంటల స్పెషలిస్ట్ కూడా జీవితంతో వెలుగు వెన్నెల తో పాటు చీకటి నీడలు చూశాడు కాబట్టే కృష్ణ నగర్ జీవితాలను ఎన్నుకొని,వెతికి పట్టుకొని రికార్డ్ చేశాడు.

ఇందులో 41 మంది నటుల జీవితాలున్నాయి ఒక్కళ్ళ గురించి చెపుతూ వుంటే అసలు ఎరి కోరి వీళ్ళ సాలెగూట్లోకి వచ్చారు. శ్లేష్మం లో ఈగల్లాగా ఇందులోంచి ఎందుకు బయటకు రాలేక పోయారు అనిపిస్తోంది. ఏళ్ళ తరబడి ఒక అవకాశం కోసం తపించి,వయసయ్యాక అటూ ఇటూ చూస్తే ఇంకో గమ్యం కనిపించకో కష్టమైన,సుఖమైనా,ఇప్పటివరకు నడిచిన దారివెంట నడవక పోతే ఇంకో అవకాశం లేదు. కృష్ణ నగర్ లో కనిపించిన అందరు ఇలాంటి వాళ్ళే. అందులో ఒక మహేష్ యాదవ్ అంటాడు . మా నాన్న చనిపోయాడు నేను గాయం షూటింగ్ లో ఉన్నా నాకు కబురు చెప్పేవాళ్ళు లేరు. నాకు ఫోన్ లేదు ఏ సాయంత్రానికో షూటింగ్ గేప్ లో నా స్నేహితుడు వచ్చి చెబితే తెలిసింది అప్పుడు పరుగెత్తుకు పోయాను చనిపోయిన మా నాన్న కోసం,ఆ అనుభవంతో ఆరు నెలలు సినిమా వైపు చూడలేదు . ఇలాటి వేదన పూరితమైన గాధలు కృష్ణనగర్ కథల్లో కనిపిస్తాయి. ఇలాటి చీకటి దారుల్ని పరిచయం చేసిన బత్తుల ప్రసాద్ అభినందనీయుడు ఇంకా ఇలాటి పుస్తకాలు ఎన్నో రావాలని ఆకాక్షిద్దాం.

 కృష్ణ నగర్ కథలు..
రచన: బత్తుల ప్రసాద్..
ప్రతులు: ప్రియదర్శిని ప్రచురణలు, ఫస్ట్ ఫ్లోర్ ముల్క్ విల్లా ,ఫ్లాట్ నెంబర్-8, డోర్ నెంబర్-13.
జంజారాహీల్స్, హైదరాబాద్…
సెల్: 9490472427

Leave a comment