వదిలేయండి

మేకప్ వేసుకునేటప్పుడు ఉన్న శ్రద్ద దానిని తొలగించేటప్పుడు చూపించకపోవడం వల్ల చర్మానికి కళ్ళకు ఎంతో ప్రమాదకరం. ఐ షాడో కళ్ళ అందం ఎక్కువ చేసే మాట వాస్తవం. దాన్ని రోజంతా అలా ఉంచేసి రాత్రివేళ సరిగ్గా తుడిచేయకపోతే కళ్ళకు ఇన్ ఫెక్షన్ రావటం ఖాయం. అలాగే మొహం పై మేకప్ తుడిచేయకపోతే చర్మ రంధ్రాలు మూసుకుపోతాయి. ఈ కారణంగానే చర్మం పై ముడతలు వస్తాయి. దీనివల్ల వయసు కనబడుతుంది కూడా. లిప్ స్టిక్ తొలగించకపోతే పెదవులు పొడిబరిపోయి పగుళ్ళు చూపెడతాయి. అందువల్ల ఎంత మేకప్ వేసుకున్న సరే ఇంటికి రాగానే పాలల్లో దూది ముంచి శుభ్రంగా మొహం అంతా తుడిచేయాలి.