వీటి ప్రేమలో పడతాం తప్పదు

ఇల్లు చిన్నదిగా ఉన్నా పర్లేదు. ఇంటి తోట కోసం మనం వుండే చోటునే కాస్త కేటాయిస్తే ఇల్లు బావుంటుంది. మన కళ్ళకి పచ్చదనం కనిపిస్తుంది. మంచి ఆక్సిజన్ పైగా ఎర్రని పచ్చని ఆకుపచ్చ వర్ణాలతో ఇల్లు వర్ణ మిశ్రమంగా అయిపోతుంది. ఈ చలికాలంలో మన ప్రాణం వాతావరణానికి  పిటానియా ,అంధురియం , సినరేరియా ,జినియా , చామంతి , బంతి వంటివి పెంచుకునేందుకు బావుంటాయి. ఇవన్నీ వివిధ రంగుల్లో పూలు పూసే కుండీల్లో పెంచుకునే ,మొక్కలు. పోషకాలు ఎక్కువ వుండే నీళ్లు నిలవని మట్టిని తెచ్చుకోవాలి. కుండీల్ని కొని వాటిలో ఈ మట్టి నింపుకొని తెచ్చుకోవచ్చు. ఈ కాలంలో మొక్కలు నెమ్మదిగా పెరుగుతాయి. కనుక ఎండలోకి మారుస్తూ ఉండాలి. ఉదయం వేళ వీటికి నీళ్లు పోయటం మనం కాఫీ తాగేంత అలవాటుగా చేసుకోవాలి. చిన్న చిన్న మొక్కలకు మరీ నీళ్లు కూడా అవసరం ఉండదు. అనుభవంతో ఈ చక్కని పూల తోట పెంచుకోటం మనకి బాగా వస్తుంది. నీళ్లు కారి ఇల్లంతా పరుచుకోకుండా ప్లేట్లు ఉండే కుండీలు ఎంచుకుంటే మన ఇంటి తోట మీద మనకు ప్రేమలో పడిపోతాం.