18 దేశాల పాస్పోర్ట్ లు : 181 దేశాల పర్యటన

వంటరిగా ప్రయాణాలు చేయటం చాలా మందికి కష్టతరమైన పనే. అదే కొంచెం పెద్దయితే తోడు లేకుండా ఇల్లు కదిలేందుకు ఇష్టపడరు. ఇలాంటి వారందరికీ మెహర్ హీరోయిస్ మూన్  ఎంతో స్ఫూర్తి నిస్తోంది. 70 సంవత్సరాల మెహర్ కి ప్రయాణాలంటే ఎంతో ఇష్టం. ఏ దేశ వాసులనైనా క్షణాల్లో స్నేహితులుగా మార్చుకోగలదు. ముంబై కి చెందిన ఈ బామ్మ ఇప్పటికే 181 దేశాలు చుట్టేశారు. ఆమెకు 18 దేశాల పాస్పోర్ట్లున్నాయి. అంటార్కిటికా వెళ్లిన తొలి  భారతీయ మహిళ కూడా ఈమె. అమెజాన్ అడవుల్లో కూడా ఈమె పర్యటించారు. ఆ సమయంలో అక్కడ చీమలు కందిరీగల ఫలహారం కూడా చేశారట. ఈ సాహస యాత్రలో వయసు అడ్డం రాలేదని చెప్పటం ఈ మెహర్ పరిచయం ఉద్దేశం. ఇంతటితో  ఆగిపోలేదట ఆమె ఇంకా 25 దేశాలు మిగిలున్నాయిట. అవి కూడా చూసొస్తానంటోంది.