మెరుపు నిచ్చే స్క్రబ్

బయట అడుగు పెడితే చాలు కాలుష్యం దుమ్ము ధూళి తో ముఖం మురికిగా నిర్జీవంగా అయిపోతుంది. దీన్ని బియ్యం పిండి పూతతో తొలగించవచ్చు. బియ్యం పిండి, ఎర్ర పప్పు కలిపి మెత్తగా గ్రైండ్ చేయాలి. ఆ పిండికి ఓట్స్, ముల్తానీ మట్టి, పసుపు, వేప పొడి కలపాలి. కొన్ని చుక్కలు లావెండర్ ఎసెన్షియల్ ఆయిల్ కలపాలి. ఈ మిశ్రమంలో రెండు స్పూన్ల పెరుగు వేస్తే స్క్రబ్ తయారైనట్లే. ఈ మిశ్రమాన్ని ముఖం, మెడ, చేతులు, కాళ్ళు, పాదాలకు రాసి ఐదు నిమిషాలు మర్దన చేయాలి. పది నిమిషాల తర్వాత కడిగేస్తే మార్పు తెలుస్తుంది. బియ్యంలోని యాంటీ ఆక్సిడెంట్స్ ఖనిజాలు పప్పు ల్లోని మాంసకృత్తులు పెరుగు సమ్మేళనాలు చర్మాన్ని ఇన్ఫెక్షన్ల నుంచి కాపాడుతాయి.