బ్యాగ్ భారం వల్లే నొప్పి

జీవన విధానం వల్లే చాలా మంది ఆడవాళ్ళలో వెన్ను నొప్పి సమస్య వస్తుంది అంటున్నారు వైద్యులు. రోజులో గంటల తరబడి ఫోన్ లో మాట్లాడటం అప్పడు తల,మెడ వంగుతూ ఉండటం వల్ల మెడ కండరాలపై భారం పడుతోంది. ఆ ఒత్తిడి వెన్నుపై పడి సమస్య మొదలవుతోంది. అలాగే భుజానికి తగిలించుకొనే హాండ్ బ్యాగ్ లో ఎక్కువ వస్తువులు ఉండటం ,దాన్ని ఒకే వైపు తగిలించుకోవటం చాలా మంది అమ్మాయిల అలవాటు . ఈ బరువు ప్రభావం భుజం ఎముకలు కండరాలపై పడుతోంది. ఈ భారం వెన్నుకి చేరుతుంది. అలాగే అధిక బరువు పెరిగినా శరీరం బరువు భారం ,వెన్నుపై పడి కూడా వెన్నెముక నొప్పి వచ్చే అవకాశం ఉంది.