Nemalika – Page 27 – Vanitha Blog

నీహారికా , ఈ లోకం లో ప్రమాదకరమైన దేదీ అని అడిగావు కదా అది జెలసీ . అసూయ అడవిలో పుట్టే కార్చిచ్చు తో సమానం. ఇది బాధ పడేవారిని బాధకు కారణమైన వారినీ సమానంగా దహిస్తుంది. ఈ లోకం లో ఆనందం లేకపోవటనికి ఎన్నో కారణాలు. కోరికలు అంచనాలు అవసరాలు బులపాటం అసంతృప్తి అత్యాశ అన్నింటికంటే ప్రధానం ప్రమాదం అసూయ. అసూయాపరులకు రెండే చింతలు తనకులేదని ఇతరులకు ఉందనీ. మానసిక శాస్త్ర పరంగా చుస్తే ఈ అసూయకు పాజిటివ్ గా వాడుకుంటే స్ఫూర్తి అభివృద్ధి సాధించవచ్చు. ఈర్ష్య తో దేన్నయినా సాధించాలన్నా పట్టుదల పెంచుకోవచ్చు. కానీ మనుషులకు దృష్టిలోపం. మనకున్న బలహీనతలను ఇతరులకు బలాల తో పోల్చుకుంటాం. మనల్ని బాధ పెట్టె బాధలు ఎన్నో ఉంటాయి. అందుకే పోల్చుకోకూడదు. అప్పుడు మన కున్న సంపదను గుర్తించలేదని గుడ్డివాళ్లం అవుతాము. అనుబంధాలు ఏర్పరుచుకోలేకపోతాము. ఎంత నష్టపోతామో చూడు. ఎప్పుడైతే మనం దృఢమైన చిరకాలం నిలిచే అనుబంధాలు నమ్మటం పరస్పర గౌరవం స్నేహాలు నిలుపుకుంటామో అప్పుడిక ఈ నిర్దయమైన కార్చిచ్చు మన దగ్గరకు రాకుండా పోతుంది. ఏమంటావు ??

Nemalika

అసూయ అడవిలో కార్చిచ్చు ఎంతో

January 7, 2017

1 min read

నీహారికా , ఈ లోకం లో ప్రమాదకరమైన దేదీ అని అడిగావు కదా…

నీహారికా ,అమ్మేపుడూ విసుక్కుంటుంది. ఒక్కోసారి న పైన ప్రేమ లేదేమో అనిపిస్తుంది. ఆవిడ నన్ను ప్రేమిస్తోందా ? లేదా నాకే ప్రేమంటే ఏమిటో తెలియదు అన్నావు నిజమే మనసు నిండా ప్రేమ దాచేసుకుని దాన్నిక్రమశిక్షణ పేరుతోనో లేదా ఇంకేం కారణం వల్లనో వ్యక్తం చేయకుండా మనసులో దాచేస్తే ఫలితం ఉఇలాగే ఉంటుంది. చెప్పి తీరాలి . నువ్వు నాకెంతో అపురూపం అని ఎదిగే పిల్లల మనసులోకి ఎక్కేలా చెప్పాలి. ఒక వయసు పిల్లలకి మంచి గైడెన్స్ కావాలి. మనసు విప్పి చెప్పుకుందుకు వెళ్ళాను విపరీతంగా నమ్మొచ్చు అన్న భరోసా తల్లితండ్రుల దగ్గర నుండి రావాలి. ఎలాంటి పరిస్థితుల్లోనూ తనకి అండగా ఉంటారని తమ ఆసక్తులు ప్రయోజనాలు అనుక్షణం అన్నివేళలా పర్యవేక్షిస్తూ ఉంటారని టీనేజర్లకు తెలిస్తే కదా వాళ్ళకి భద్రతా భావం కలిగేది. పిల్లలు ప్రపంచంలో ఎన్నో రిస్కులు ఎదుర్కోవాలి. ఎన్నో సందేహాలకు వాళ్లకు సమాధానం రావాలి. ఎటువంటి ఆంక్షలు షరతులు లేని స్వేచ్ఛ వాళ్లకు ఇచ్చి మళ్ళీ మేం నీవెనకే వున్నాం నీవు ఈ ప్రపంచంలో వంటరిగా నిలదొక్కుకునేదాకా నీరిక్షణ బాధ్యత మాదనే ధైర్యం పెద్దవాళ్ళు ఇవ్వకపోతే పిల్లలకు ధైర్యం ఆత్మ విశ్వాసం ఎలా వస్తాయి. అలాగే నీహారిక నువ్వు అర్ధం చేసుకోవాలి. నీకోసం నీ తల్లితండ్రి చేస్తున్న ఎన్నో పనుల్లో నీకు అందే ప్రేమను నువ్వు తెలుసుకో ఐలవ్ యు అన్న సందేశం కేవలం మాటల ద్వారానే కాదు. ఎన్నో రకాలుగా వ్యక్తం అవుతూనే ఉంది. అసలు నీకు మొట్టమొదటిగా అందిందే మీ అమ్మ స్పర్శ. ఆవేళ్ళ కోనల్లోంచి నీ బుగ్గ పైకి తాకిన మాతృ స్పర్శ నీకు ఆమె ప్రేమను గుండె మొత్తంగా ఇవ్వలేదా ? అమ్మ నీకు అర్ధం కాలేదా నీహారికా !!

Nemalika

నీ బుగ్గ తాకిన ఆ స్పర్శ నీకేమిచ్చిందీ

January 6, 2017

0 mins read

నీహారికా , అమ్మేపుడూ విసుక్కుంటుంది. ఒక్కోసారి నా పైన ప్రేమ లేదేమో అనిపిస్తుంది.…

నీహారికా నువ్వడిగిన దానికి ఓ పద్యం సమాధానంగా ఉంది. 'నొప్పింపక తానొవ్వక తప్పించుకు తిరుగువాడు ధన్యుడు సుమతీ ' అని. ఎవళ్ళనీ నొప్పించకుండా సంతోషపెడుతూ స్నేహంగా ఉండటం కష్టమే. కానీ అసాధ్యం కాదు. అందుకు సుమతీ శతకం లో చెప్పినట్లు తప్పించుకు తిరగనక్కర్లేదు కానీ మాటలు రువ్వినట్లు కాకుండా పిల్ల తెమ్మెర లాగా తాకినట్లు వాడితే అందరితో కలుపుకుపోవచ్చు. ఇరుగు పొరుగు స్నేహితులు బంధువులు తోటి ఉద్యోగులు కుటుంబ సభ్యులు ఎవరితోనైనా చెరగని చిరునవ్వుతో మాట్లాడితే చాలు. రోజువారీ పనులు బాధ్యతలు మధ్యనే ఎన్ని వత్తిడులు ఉంటాయి. మూడ్స్ మారిపోతుంటాయి. వాటి తాలూకు ప్రభావం ఇతరులతో మాట్లాడేటప్పుడు పడకుండా జాగ్రత్తగా వుండాలి. అలాగే ఎదుటివాళ్ళకు హేళన చేస్తున్నట్లో కించ పరుస్తన్నట్లు అస్సలు మాట్లాడకూడదు. అలాగే అతిగా చనువు తీసేసుకోకూడదు. వాళ్ళ వ్యక్తిగత విషయాల్లో జోక్యం వద్దు. నలుగురిలో మన మాటే కరెక్ట్ ని మన మాటే చెల్లాలనీ అనుకోకూడదు. సరైన సాయం చేయవలిసిన అవసరం వస్తే చేతనైతే చేయటం లేదా లేదు. ఎప్పుడూ మాటలతో ఎదుటి వాళ్ళను తక్కువ చేయకుండా ఉంటే ఈ పువ్వులాంటి సువాసన భరితమైన పోగడపువ్వుల్లాంటి సంపెంగల్లాంటి మాటలు మాట్లాడటం చేతనైతే నీహారిక ఈ ప్రపంచంలో నాకెదురైన ప్రతి మనిషీ నీకు ఆప్తుడే ఆత్మీయుడే !!

Nemalika

తేనెల్లాంటి మాటలు స్నేహితుల్ని తెస్తాయి

January 5, 2017January 5, 2017

1 min read

నీహారికా, నువ్వడిగిన దానికి ఓ పద్యం సమాధానంగా ఉంది. 'నొప్పింపక తానొవ్వక తప్పించుకు…

నీహారికా ,నిజమే నువ్వన్నది. ప్రతి తరం తర్వాత తరాన్ని తక్కువ చేసి మాటాడుతుంది. కొత్త తరం కన్నా తమ తరం మెరుగైనదని చెపుతోంది. నువువ్ ఈ కొత్త తరానికి చెందిన దానివేకదా.. ఇటీవల వచ్చిన ఒక సర్వే రిపోర్ట్ లో ఈ తరం స్వార్ధ చింతన 58 శాతం మందిలో ఉందని చెపుతోంది. చక్కని జీతం సౌకర్యాలతో గడుపుతున్నారు. కానీ ఈ తరానికి ఉన్న ఒత్తిడి గతంలో లేదు. ఎన్నో రంగాల్లో ప్రగతి కానీ సామజిక స్పందన చాలా తక్కువ. సాంకేతిక ప్రగతి లో సునాయాసంగా అడుగులేస్తూ ఖండాంతర వివాహాలు కులం మతం తెరలు జారిపడిపోతున్నాయి. కొత్త ఆలోచనలతో గత తరం హక్కు కూడా అందని అంశాలను ఒడుపుగా పట్టుకుని ముందుకెళ్తున్నారు. సేవారంగంలో సత్తా చూపిస్తారు. వేలాదిమందికి మెరుగుపడే ఉపాధి మార్గాలు వెలుగులోకి తెస్తున్నారు. కానీ వస్తావ అంశాలపైనా దృష్టి పెట్టె తీరేలేదా ? సేవాసంస్థలకు ఆర్థికసాయం చేస్తారు కానీ ఆప్తులను పట్టించుకునే అవకాశాలే తీసుకోరు. ఎన్నో రకాలుగా ప్రగతి సాధిస్తున్నారు కానీ తమచుట్టూ ఉన్న సమాజంలో సమస్యలతో ఈ తరానికి సంబంధం లేదు. మనుషుల్లో తడి ఇంకిపోతున్నాదని ఈ తరం పై పాత తరానికి ఉన్న ఫిర్యాదు. భారత దేశం వచ్చే శతాబ్దం లో యువదేశంగా అవతరించనుంది. ప్రపంచ జనాభా యువ తరమే అధికం యువదేశంగా అవతరించనుంది. ప్రపంచ జనాభాలో యువ తరమే అధికం కదా. చిన్న చిన్న విమర్శలను అర్ధం చేసుకుంటే బావుండదూ..

Nemalika

తీరుమారిపోతున్న యువతరం

January 4, 2017

0 mins read

నీహారికా , నిజమే నువ్వన్నది. ప్రతి తరం తర్వాత తరాన్ని తక్కువ చేసి…

నీహారికా , అందరం అమ్మ గురించి మాట్లాడుకుంటాం ,మరి తండ్రి ప్రభావం పిల్లల పై వుండదా అంటారు. కరెక్టే తల్లి కొంచెం దగ్గరగా ఉంటుంది కనుక పిలల్లకు సర్వ సదుపాయాలు తనే చూస్తుంది. కనుక ఒక వేళ జాబ్ చేసే అమ్మయినా పిల్లల విషయంలో ఉన్న సమయం అంతా ఖర్చు పెడుతుంది. కనుక ఆలా అనిపిస్తుంది కానీ టీనేజ్ పిలల్ల పైన తండ్రి ప్రభావం ఎక్కువగా ఉంటుందని నిపుణులు గట్టిగా చెపుతున్నారు. టీనేజ్ ఆడపిల్లల్లో లెక్కలు కెమిస్ట్రీ వంటి కష్టమైన సబ్జెక్ట్ లలో రాణించాలంటే తండ్రి ప్రేమ చాలా అవసరం. అనేది వారి అభిప్రాయం అలాగే భాషా పరిజ్ఞానం రావాలంటే కూడా తండ్రి ప్రేమ దగ్గరితనం పిలల్లతో ఎక్కువగా స్నేహంగా గడపటం కావాలి. వయసు పిల్లలు తల్లీ తండ్రీ ఆదరాపూర్వకమైన వాతావరణంలో వుంటే ఎంతో ఉత్సాహంగా వుంటారు. జీవితంలో రాణించేందుకు ఇదెంతో ఉపయోగపడుతుంది. తండ్రి ప్రేమ ఆత్మ విశ్వాసాన్ని పెంచుతోంది కూడా. టీనేజ్ లో వుండే పిలల్లు తమ శరీరంలో జీవితంలో అనుభవాలు ప్రతి నిమిషం కలిగే మార్పులనీ ఫీలింగ్స్ ని ముందస్తుగా తల్లి తండ్రులకే చెప్పుకునేంత స్నేహంగా వాళ్ళు మెలిగితే అసలు పిలల్ల జీవితాల్లో ఎలాంటి తప్పులూ జరగవు. ప్రతి విషయం వాళ్ళతో చెప్పుకుని తమ సమస్యల్ని తేలికగా పరిష్కరించుకోగలుగుతారు. పిలల్ల కొచ్చే ప్రతి సంకటాన్ని వాళ్ళ ప్రతి చర్యలో అర్ధాన్ని తల్లితండ్రులు గ్రహిస్తే పిల్లల జీవితం బంగారమవుతుంది.

Nemalika

అమ్మెంతో నాన్నా అంతే

January 3, 2017

0 mins read

నీహారికా , అందరం అమ్మ గురించి మాట్లాడుకుంటాం ,మరి తండ్రి ప్రభావం పిల్లల…

నీహారికా, ఇది అడగాల్సిన ప్రస్నే. ఇప్పుడు కొత్త సంవత్సరం రేపు సంక్రాంతి ఇంకో రోజు ఉగాది. ఎప్పుడూ ఆత్మేయులకు మన చుటూ వుండే వాళ్లకు ఇవ్వగలిగే అమూల్యమైన బహుమతి ఎముంటుందీ అన్నావ్. 'మాట '....... అవును మాటే మంత్రం. ఎన్ని మాటలున్నాయిరా ! బావుంది. అరే చక్కగా వుంది. క్షమించండి కృతజ్ఞతలు సుమీ ,థాంక్స్ అండీ, సారీ బాబూ అందించే బహుమానాలు. ఇవి నీకెందరినో స్నేహితులను బహుమతిగా ఇస్తాయి. ప్రతి నిమిషం నీ జీవితంలో శిరస్సు పైన నవ్వులు పువ్వులు పారిజాతాల్లా పున్నాగల్లా రాలుతూనే ఉంటాయి. ఎప్పుడూ ఇలా పాజిటివ్ గా ఉండటం కష్టం. కానీ అసాధ్యం కాదు. నెగిటివ్ మాటలు మాట్లాడిన ప్రతీ సారీ గమనించుకో మన శరీరం తీరుమారి పోతుంది. పరుషమైన వాక్కులతో అవతలి మనిషి మోహంలో వెంటనే ఎదురు దెబ్బ తీయాలనే ఉద్రేకం కనిపిస్తుంది. అదే పాజిటివ్ గా ప్లీజ్ అంటే అసలు వాతావరణమే మారిపోతుంది. ఆంగ్ల భాషలు అత్యంత శక్తిమంతమైన పదం ప్లీజ్ అని తేల్చారు. సైకాలజిస్టులు. అందుకే ప్రతి పండగకేమిటి ప్రతీ సారీ ఒక అద్భుతమైన పదాన్నే కానుకగా ఇవివి నీహారికా.... ఇదే చక్కని వరాలిచ్చే మంత్రం. మంచి మాటకున్న శక్తినే మంత్రం అంటారు. అందరూ బావుండాలి. ఇదే అసలు సిసలు విలువైన గిఫ్ట్. ఏమంటావూ ??

Nemalika

మాటే మంత్రమూ

January 2, 2017

1 min read

నీహారికా, ఇది అడగాల్సిన ప్రస్నే. ఇప్పుడు కొత్త సంవత్సరం రేపు సంక్రాంతి ఇంకో…

నిహారికా రాబోయే కొత్త సంవత్సరాన్ని ఆకాశంలో మెరిసే ఇంద్ర ధనస్సుతో పోల్చావు బావుంది. ప్రకృతి తో పోలికలు ఎప్పుడూ అద్భుతంగానే ఉంటాయి. ఎవళ్ళూ గుర్తు చేయకుండా తనతో మార్పులు తెచ్చుకునే ప్రకృతి కంటే గొప్ప గురువు ఎవరుంటారు మనకి. కొత్త సంవత్సరపు శుభవేళ నా శుభాకాంక్షలూ ఇవే. ఈ అద్భుత ఘడియల్లో నేను ఎప్పుడూ మారేందుకు సిద్ధంగా ఉంటాను. నా ఆలోచనలు అభిప్రయాలు నన్ను నేను అభివృద్ధి చేసుకునే క్రమంలో మార్చుకుని అందరూ నన్ను అభిమానించేలా ఆదర్శంగా తీసుకునేలా నన్ను నేను దిద్దుకుంటాను. అనే పతిజ్ఞ తీసుకోవాలి. రుతువులు మార్చుకుంటూ మనకి సమస్తం అమర్చిపెట్టే ప్రకృతిలా మనమూ మారుతూ ఇతరుల కోసం సంతోషం పంచుతూ నిస్వార్ధంగా ప్రవర్తిస్తూ ఉంటే అప్పుడేంత బావుంటుందీ జీవితం. మన మనస్సనే ఉద్యానవనం లో ఏది నాటితే అదే మొలుస్తుంది. మనం స్నేహం ప్రేమ నాటామనుకో వెయ్యింతలుగా మనకవి ఫలాలిస్తాయి. వ్యతిరేక భావాలు వదిలేద్దాం. ఓడి పోయినా నేర్చుకుందాం. కోరుకున్నవి కష్టపడి సాధించుకుందాం. మంచి ఆహారం మంచి వ్యాయామం ఆరోగ్యం ఇవన్నీ శ్రద్ధ పెట్టి నిలుపుకుందాం. నువ్వు అన్నట్లే రేపటి ఆశల హరివిల్లు ఆకాశంలో అందంగా పరుచుకుంటోంది. పాత సంవత్సరం చరిత్రపుట లోకి జారిపోతూ రేపటికి ఆహ్వానం

Nemalika

రేపటి ఆశల హరివిల్లు 2017

December 31, 2016

0 mins read

నిహారికా............... రాబోయే కొత్త సంవత్సరాన్ని ఆకాశంలో మెరిసే ఇంద్ర ధనస్సుతో పోల్చావు బావుంది.…

నిహారికా ,మనలో వుండే లోపం మనకు వెంటనే తెలియాలంటే ఎలా అన్నావు. ఎదిగే వయసులో వున్న నువ్వు నీ శత్రువుని గుర్తించాలని తాపత్రయపడటం చాలా అవసరం. మనం సాధారణంగా అద్దం చూసుకుని కనిపించే ప్రతి బింబం ద్వారా మన బాహ్య రూపంలో కనిపించే లోటు పాట్ల ను సరిదిద్దుకొనే ప్రయత్నం చేస్తాం. కానీ ఆంతీర్లనంగా వుండే లోపాలు చూసుకునే అద్దం మనసే. విశ్లేషణ విచక్షణే ప్రతిబింబాలు. మనల్ని మనం నిస్పిక్షపాతంగా విశ్లేషించుకుంటే మన పట్ల మనం నిర్దాక్షణ్యంగా ఉంటే మన లోపం మనకి తెలుస్తుంది. ఈ విచక్షణ నిరంతరం కలిగివుంటే మనల్ని అనుక్షణం విమర్శిస్తోంది. కనక లోపం గుర్తించటం సులువవుతుంది. నిరంతరం మనల్ని మానిటర్ చేసి అంచనా వేసి జడ్జి చేసే మనసాక్షి మనల్ని ఇతరులతో పోల్చి చూస్తుంది. ముందుకు నెట్టి చూడమంటుంది. మహా బలాన్ని తగ్గించి కూడా లోపాల్ని మాగ్నిఫై చేసి గతంలో చేసిన పనుల పట్ల విచారాన్ని భవిష్యత్తు భయాన్ని పెంచుతుంది. ఇలా అని మనం ఆత్మవిశ్వాసాన్ని సృజననీ పోగొట్టుకొకూడదు. మనం ఎటు వైపు నడుస్తున్నామో మన ఆలోచనలు మనల్ని ఉత్తమమైన దిశగా నడిపిస్తున్నాయో లేదా మన లోపల నిద్రలేచిన లోపం అన్న శత్రువుని నిర్ములించామా లేదా అనే ప్రశ్నలు వేసుకుంటే చాలు. అద్దంలో కనబడే శారీరికంగా లోపాల్ని దిద్దుకున్నట్లే మనల్ని మనం సరిదిద్దుకోగలుగుతాం. నీ మనస్సుని తెరచి ఉంచుకో. విశ్లేషించుకో. నీ లోపాల్ని పోగొట్టుకో తల్లీ !

Nemalika

నిన్ను నువ్వు నిర్మించుకోమ్మా

December 30, 2016

0 mins read

నిహారికా , మనలో వుండే లోపం మనకు వెంటనే తెలియాలంటే ఎలా అన్నావు.…

నీహారికా .... చక్కని మాటలు అద్భుతమైన ఒక రోజు గడిచిపోతూ తీయతీయగా కొత్త సంవత్సరం వచ్చేసిందీ అన్నావు. మాటలు అద్భుతాలు చేస్తాయి. ఉదాహరణకు నాకు ఇంగ్లీష్ రాదు అని పదిసార్లు అన్నామనుకో ఇంకంతే ... ఆ నెగిటివ్ ఫీలింగ్ మన చుట్టూ ప్రవహిస్తూ ఉంటుంది. అదే రోజుకో పది కొత్త మాటలు నేర్చుకుంటూ ఒక సంవత్సరం నిష్టగా అభ్యాసం చేస్తే ఇంగ్లీష్ భాషే మన సొంతం అవుతుంది. రాదు చేయను కష్టం నావల్ల ఏమవుతుంది లాంటి నెగిటివ్ సజెషన్స్ ఇచ్చుకునేకూడదు. భవిష్యత్తు పైన విశ్వాసం లేకపోతేనే అలంటి మాటలొస్తాయి. ఎవరైనా ఎలా ఉన్నవని అడిగితే గ్రేట్ ఎక్స్లెంట్ హ్యాపీ అంటూ మనస్ఫూర్తిగా చెప్పామనుకో మన మనసు వాటిని అంగీకరించి ఆమోదం చెపుతుంది. మనకు తెలియకుండా ఆ ప్రభావం మనసు పైన పడుతుంది. అవే నమ్మకాలవుతాయి .మొత్తం మన బాడీ లాంగ్వేజ్ కాన్ఫిడెంట్ గా మారిపోతుంది. దాన్ని బట్టి సత్ఫలితాలుంటాయి. ఇందాక అన్నావే .. ఎన్ని అద్భుతమైన ఉదయాలు. ఎన్ని పూలు వికసించాయి . ఎంత మంది చిరునవ్వుతో మనల్ని పలకరించారు? ప్రకృతి అందించిన ఎన్ని కమ్మని ఫలాల్లో ఒక ముక్క మన నోటికిచేరింది. మనకి దొరికిన ఎన్నింటిని మనం మన చుట్టూ చేరిన వాళ్ళకి ఇవ్వగలిగాం. ఎన్ని చల్లని చూపుల దీవెనలు దక్కాయి. ఇవన్నింటినీ పదిలంగా పట్టుకుని కొత్త సంవత్సరం వైపు చూస్తుంటే ఎంత బావుందీ ? జీవితమా నువ్వెంత విలువైనదానివి !

Nemalika

ఈ మాటలకెంత శక్తీ

December 29, 2016

0 mins read

నీహారికా .... చక్కని మాటలు అద్భుతమైన ఒక రోజు గడిచిపోతూ తీయతీయగా కొత్త…

నీహారికా ,ఎంత స్థాయి ఉద్యోగం చేస్తున్నా కనిపించని అణచివేత స్పర్శకు తెలుస్తోంది అన్నావు. బాగా గుర్తించావు. ఈ పరోక్ష వివక్ష కు నువ్వే సంధానం చెప్పాలిసుమా.. ముందు మనల్ని మనం మార్చుకోవాలి. ఒక సమావేశం జరుగుతుందనుకో. ఆడవాళ్లే సర్వింగ్ అంతా చేస్తారనుకుంటారు. అలంటి వడింపులు ఇక్కడ అందరూ ఉద్యోగులే కనుక అందరూ చేయాలి అని నీకు నువ్వే చెక్ పెట్టుకోవాలి. నలుగురు ఆడపిల్లలు మాట్లాడుకొంటుంటే ఆడవాళ్ల మీటింగ్ అనేశారనుకో వెంటనే తప్పు ఎవరైనా అలా మాట్లాడుకుంటారు అనచ్చు. స్త్రీలుగా మన స్థాయిని తగ్గించి మాటలివి. ఎవరైనా ప్రసూతి సెలవుపై వెళుతుంటే ఇంకేం చేస్తావు జాబ్ . పిల్లల్ని పెంచాలికదా అని సహుద్యోగి కామెంట్ చేస్తే వూరుకోవద్దు. ఇదే తండ్రివి అయ్యావు కదా నీ జాబ్ మానేస్తావా అని ఎవరైనా అంటారు. పుట్టిన బిడ్డ ఇద్దరి పెంపకంలో ఉండాలన్న భావన నీ మనసులో ఉంటే సరైన సమాధానం ఇవ్వటం చేతనవుతుంది. నువ్వు బాస్ ప్లేస్ లో వున్నావు. నెమ్మదిగా జాలిగా వ్యవహరిస్తే అది చేతకానితనం అవుతుంది. కఠినంగా వున్నావనుకో రాతిగుండె అంటాడు. అదే పురుషుల వైపు నుంచి నాయకత్వ లక్షణం అయిపోతుంది . నువ్వు జాబ్ లో వున్నావు. నే యుద్యోగం ఎంతవరకు మాతృ స్థానంలోకి వెళ్లి ఎవరికీ ఆదరింపులూ అక్కర్లేదు. నీ అందం పట్ల ఎదుటివారి పొగడ్తలు వద్దు. నువ్వు నువ్వుగా వుండు. నీతోటి స్త్రీల విషయంలో ఇలాంటి విమర్శలొస్తే వెంటనే ఖండించు. ఏమంటావ్ !

Nemalika

ఆడపిల్లవనే మినహాయింపులెందుకు ?

December 28, 2016

0 mins read

నీహారికా , ఎంత స్థాయి ఉద్యోగం చేస్తున్నా కనిపించని అణచివేత స్పర్శకు తెలుస్తోంది…

నీహారిక, చాలా కరక్టయిన ప్రశ్న అడిగావు. మనకో లక్ష్యం తప్పని సరిగా వుండాలా? మన కధేమీటో ముందే తలుస్తుందా? గుడ్. జీవితం లో జీవించి వుండేందుకు ప్రతి వ్యక్తికి తనదైన కారణం వుంటుంది. ఆ కారణమె జీవిత లక్ష్యం. దాన్ని మనం రుచి చూడాలి. నాతో ఏముంది ఒక లక్ష్యం సృష్టించేందుకు అనుకోని వాళ్ళకి వాళ్ళ బలం మీద వాళ్ళ ద్రుష్టి పెట్టలేదన్నదే సమాధానం. పుట్టి పెరిగేటప్పుడు మన సర్వెంద్రియాలు ఎదో ఒక ఇష్టంతో ఉంటాయి. ఆ ఇష్టాన్ని దక్కించుకోవడం మన లక్ష్యం ఐన్ స్టిన్, రామానుజం వంటి వాళ్ళు నేనేం చేయాలి అనుకుని కూర్చోలేదు. వాళ్ళలోని సృజన వాళ్ళకి తెలిసిపోయింది.

Nemalika

ఆ నవ్వు వెల ఎంత?

December 27, 2016December 27, 2016

0 mins read

నీహారిక, చాలా కరక్టయిన ప్రశ్న అడిగావు. మనకో లక్ష్యం తప్పని సరిగా వుండాలా?…

నీహారికా కొత్త సంవత్సరం రాబోతోంది. ఇంకా నాలుగు అడుగులే. ఇప్పుడు నీ ప్రశ్న జీవితంలో ఎదురయ్యే ప్రతి సమస్యకూ చావడులోనే పరిష్కారం ఎందుకు వెతుకుతున్నారు? అని సమాధానం తనను తానూ ప్రేమించే వ్యక్తి తనను తానూ ఎలా చంపుకుంటాడు ? అంటాడు జాషో. నిజమే. సకల సమస్యలకు మూలం భయం. నిరుద్యోగం ఆర్థిక సమస్య ప్రేమ వైఫల్యం విడాకులు ఆత్మీయుల మరణాలు నమ్మక ద్రోహాలు ఏదైనా కానీ. సమస్య తీవ్రత ఒక శాతం. మిగతా అంతా భయం. ఏ సమస్య పరిష్కించలేనంత క్లిష్టతరం కాదు. భయంతోనే మనిషిలో తెలివి తేటలు శక్తి సామర్ధ్యాలు మట్టికొట్టుకుపోతాయి. అప్పుడే పరిష్కారం ఒక్క బావే అన్న నిర్ణయానికి వస్తారు. ఇప్పుడు చెప్పు ఏదీ సాధించకుండా ఏ ఒక్క మంచి పనీ చేయకుండా ఏ ఒక్క జీవితాన్ని మార్చకుండా జీవితం వద్దనుకోవటం ఎంత వరకు న్యాయం. కఠిన పరీక్షలు పెట్టినప్పుడు వైమీ అనుకోకూడదు. ట్రై మీ .... అని సవాలు స్వీకరించాలి. సర్వస్వం కోల్పోయినా భవిష్యత్తు ఒకటుంటుంది. అల్లకల్లోలంగా ఉన్న సముద్రంలో నెగ్గుకొస్తేనే సమర్ధుడైన నావికుడవుతాడు. ఎత్తు పల్లాలు ఎదుర్కుంటేనే మనిషి రాటుదేలుతారు. సమస్యల్లోనే సమర్ధత బయటపడుతుంది. ఇప్పుడు చెప్పు ప్రతి మనుషులు సమస్యల్ని ఎదుర్కునే ఇన్స్టింట్ సామర్ధ్యాలు ఉంటాయి. వాటని సమర్ధవంతంగా వాడుకుంటే చావు ఆలోచనలను చావు దెబ్బ తీయచ్చు. ఏమంటారు.

Nemalika

ఎంత అందమైందీ జీవితం

December 26, 2016December 26, 2016

0 mins read

నీహారికా కొత్త సంవత్సరం రాబోతోంది. ఇంకా నాలుగు అడుగులే. ఇప్పుడు నీ ప్రశ్న…

Category: Nemalika