Categories
ఆకుపచ్చ ,ఎరుపు ,నారింజ , పసుపు ఇలా ప్రకాశవంతమైన రంగుల్లో వుండే కూరగాయల్లోనే కాదు తెల్లని రంగులో వుండే ముల్లంగి కాలీఫ్లవర్ వంటి వాటిల్లోనూ బోలెడు పోషకాలుంటాయి. ఇప్పుడు కాలీఫ్లవర్ ను తీసుకుంటే ఇందులో బి విటమిన్ పీచు సమృద్ధిగా ఉంటాయి . అలాగే యాంటీ ఆక్సిడెంట్లు కేన్సర్ నుంచి రక్షించే ఫైటో న్యూట్రియెంట్లు కూడా ఎక్కువగా ఉంటాయి. ఇండోల్ 3 కార్దినాల్ అనే యాంటీ ఆక్సిడెంట్ స్త్రీ పురుషులిద్దరిలోను రొమ్ము ప్రత్యుత్పత్తి అవయవాల్లో కాన్సర్ రాకుండా కాపాడుతుంది. ఇందులోని పీచు నీటిశాతాము శరీర బరువును తగ్గిస్తాయి. ఈ రెండు జీర్ణాశయాన్ని ఆరోగ్యంగా ఉంచుతాయి. అధ్యయనం జ్ఞాపకశక్తి మెరుగుపరిచేందుకు తోడ్పడే కోలిన్ అనే కీలకమైన పోషకం కాలీఫ్లవర్ లో ఉంది. ఎముకల దృఢత్వానికి తోడ్పడుతుంది. కాలీఫ్లవర్ లో పోషకాలు ఎక్కువ క్యాలరీలు తక్కువ.
