Nemalika – Page 24 – Vanitha Blog

నీహారికా , పిల్లలను ఎంతో పేమించటం మంచిదే కానీ అలా ప్రేమ పేరుతో అస్తమానం కనిపెట్టుకుని ఉండటం వల్ల ఆ పిల్లలకు ఆశించిన మేలు కలుగదంటున్నాయి పరిశోధనలు. పిల్లలను ఎంతవరకు ప్రేమించాలి అన్నావు . సాధారణ శ్రద్ధ తీసుకుని ప్రేమించాలన్నది నా సమాధానం. అతి శ్రద్ధ వద్దు. ప్రతి పనికీ ఇతరుల పైన ఆధారపడే అలవాటు చేయకూడదు. పిల్లలకు అవసరాలు సమకూర్చుతూ బాధ్యతలు తీసుకుంటూ వాళ్ళ ముందు స్పష్టమైన లక్ష్యం ఉంచాలి. వాళ్ళని స్వతంత్రంగా ఎదిగే అవకాశం ఇస్తేనే అది సరైన పెంపకం అంటారు మానసిక నిపుణులు. తండ్రి పిల్లవాడి చేయి పట్టుకోవాలి. కరెక్టే. కానీ ఎప్పుడు వదాలలో కూడా తండ్రికి తెలియాలి. జీవితం కూడా పిల్లలు నడక నేర్చుకోవటం వంటిదే. ఆ అడుగులు సక్రమంగా వేస్తున్నాడా లేదా నాయి నేర్పే శిక్షకులుగా మార్గదర్శకులుగా ఉండాలి . తల్లితండ్రులు. అంతే కానీ ప్రతి అడుగు కలిసి వేయాలనుకోకూడదు. వారికీ మంచి భవిష్యత్తు అందే అవకాశాలు చూపించాలి. చక్కని పాటశాలలో చేర్చాలి. వారు శ్రద్ధగా చదువుకునే దిశగా ప్రోత్సహించాలి. చదువుతో పాటు ఎన్నో టాలెంట్స్ ప్రోత్సహించాలి . వారి జీవితాన్ని విజయంవైపుగా నడిపించాలి. తల్లితండ్రుల బాధ్యత అదే !

Nemalika

అతి ప్రేమ వెగటే

February 23, 2017

0 mins read

నీహారికా , పిల్లలను ఎంతో పేమించటం మంచిదే కానీ అలా ప్రేమ పేరుతో…

నిహారిక, సంతోషం సగం బలం అన్న నానుడి కరక్టేనా అన్నావు. దాని చరిత్ర అనంతరం ఉత్సాహం, కృతజ్ఞత వంటి పాజిటివ్ అంశాలు, ఏమోషన్ లతో ఎప్పుడైతే ఉంటామో అదే సంతోషం. పరిపూర్ణమైన భావాలు వున్నప్పుడు కలిగేది సంతోషం. మంచి జాబ్, జీతం,జీవిత భాగస్వామి, సమృద్దిగా సంపద, చెక్కని సౌష్టవం, మంచి ఆరోగ్యం ఇవన్నీ వుంటే ఆరోగ్యంగా ఉండగలరా అనే, ఇవి సంతోషపు చిరునామా కాదు. జీవితం లోని ప్రతి అంశం పట్ల సానుకూల దృక్పదం వుంటే సంతోషం సాధ్య పడుతుంది. ప్రపంచలో గల రిలేషన్ షిప్స్ కు ప్రపంచాన్ని మనం చూసే ద్రుష్టి కోణానికి సంతోషం ఆత్మబంధువు. సంతోషం అన్నింటిని ఎంజాయ్ చేయమంటుంది. స్నేహంగా, దయగా, కరుణగా వుంటే వారి దగ్గర సంతోషం స్థిర నివాసం ఏర్పాటు చేసుకుంటుంది. వాళ్ళ పనిలో, బంధువులతో ఒత్తిడిని తేలికగా ఎదుర్కుంటారు. మనస్సులో ఎలాంటి బరువు, భారం వుండవు కనుక అనారోగ్యాలు కూడా దగ్గరకు రావు ఇప్పుడు అర్ధం చేసుకో సంతోషం పూర్తి స్థాయి బలం.

Nemalika

సానుకూల దృక్పదం పేరే సంతోషం

February 22, 2017

1 min read

నిహారిక, సంతోషం సగం బలం అన్న నానుడి కరక్టేనా అన్నావు. దాని చరిత్ర…

నిహారికా , అందమైన రోల్స్ మోడల్స్ ఉంటారు. నాజూగ్గా అందంగా హుషారుగా ఉత్సాహంగా ....! అలా ఎప్పుడూ వాళ్ళని చూస్తూ వాళ్ళు మాత్రమే అలా ఉండాలి అనుకుంటే అన్యాయం. వీళ్ళు అలా ఎలా ఉండగలిగారు మనకు స్పష్టమైన అవగాహన ఉంటే మనకు అలాగే వున్నామని తెలుస్తుంది. ఎలాగంటే ఎవరికి వాళ్లకు ప్రత్యేకత ఉంటుంది. కొందరి కళ్ళు బావుంటాయి . కొందరు బాగా మాట్లాడతారు కొందరు బాగా చదువుతారు. ఇవన్నీ మనిషిలో అందం కంటే ఎక్కువైనవి . వీటికి ప్రాధాన్యత ఇచ్చి చుస్తే అసలు అసలైన అందం ఏమిటి ? ఎలా ఉంటే మనం పనులన్నీ పర్ ఫెక్ట్ గా పూర్తిచేసినట్లు. ఇతరులతో పోల్చుకోవటం మానేస్తే కొంత క్లారిటీ వస్తుంది. ఫలానా జయంతి చాలా సన్నగా ఉంది . సరే నువ్వు ఆరోగ్యంగా వున్నావు అనుకోవాలి. ఫలానా వసంత తెల్లగా వుంది అంటే నువ్వు టాప్ గ్రేడ్ చదువులో ఉన్నవని గుర్తు తెచ్చుకోవాలి. మనం ప్రత్యేక మని మనం నమ్మటం మనం బాడీ లాంగ్వేజ్ ని మార్చేస్తుంది. బోలెడంత ఆత్మ విశ్వాసాన్ని ఇస్తుంది. ప్రపంచంలో అందం చాలా ప్రత్యేకం.పువ్వులు జల పాతాలు నెమళ్ళు పచ్చని చెట్లు అందమైన అమ్మాయిలు బావుంటారు. మనం అందాన్ని ప్రశంసించవచ్చు. కానీ మనం కూడా అలాగే ఉండాలనుకుంటే ఎంత అమాయకత్వం . కాస్త పొడుగ్గా ఉంటే కాస్త తెల్లగా ఒత్తుగా ఉంటె ......... ఎందుకింత గందరగోళం ఏవీ ఇంకోలా అయిపోవు. పుట్టుకతో వచ్చిన రూపం తెలివి శక్తీ ఆరోగ్యం ఇవన్నీ ఇచ్చిన తల్లితండ్రులకు మొదటి నమస్కారం పెట్టేసి ఇప్పుడు వెలుగులో నిలబడి ఓకే ఇప్పుడు మన తక్షణ కర్తవ్యం ఏమిటి అని ఆలోచిస్తే ఆడపిల్లలు ఇంకెంతో సాధిస్తారనిపిస్తుంది.

Nemalika

ఎవ్వరితోనూ పోచుకోవద్దు

February 21, 2017February 21, 2017

1 min read

నిహారికా , అందమైన రోల్స్ మోడల్స్ ఉంటారు. నాజూగ్గా అందంగా హుషారుగా ఉత్సాహంగా…

నీహారికా , సక్సెస్ కీ ఫెయిల్యూర్స్ కి ప్రత్యేకమైన కోణాలు ఉంటాయా ? అన్నావు. ఉంటుంది. అత్యంత ముఖ్యమైంది కార్యాచరణ. దాని ఫలితంగానే విజయమైన అపజయమైన మనం ఫలితం వైపే చూస్తాము కానీ అసలా పని ఎంత బాగా చేసాం దానికి విజయం సాధించే బలం వుందా లేదా అని ఆత్మ విమర్శ ముందే చేసుకొం. అసలు చేసే పని పట్ల శ్రద్ధ మొత్తం పెట్టేస్తే అప్పుడు ఫలితం విజయం వైపే ఉంటుంది. శరీరం ఒక టూల్ కిట్ లాంటిది. ఎన్నోపనులు చేయగలదు. కానీ మనస్సుని తెలివి తేటల్ని ఒక దగ్గరే ఉంచి శరీరం మనే ఆయుధాన్ని విజయం వైపుగా సిద్ధం చేయాలన్నమాట. మనకు భావాలు ఎమోషన్లు వీటితోపాటు మేధావితనం విచక్షణా శక్తి ఉంటుంది. విశ్లేషణ కోణాలు నిర్ణయాలు మేధస్సు నుంచే పుడతాయి . మనసు పరిపరివిధాల ఆలోచనలు చేస్తుంది. దాన్ని మేధావితనం గైడ్ చేయాలి. నదికి తీరం ఎలాంటిదో అలాంటిదన్నమాట. తీరం బలహీనంగా ఉంటే నది కట్టలు తెంచుకుంటుంది. మేధస్సు బలంగా ఉంటే మనసుని నియంత్రిస్తుంది . లేకుండా మనస్సు మేధావి తనాన్ని పక్కనపెట్టి వైఫల్యం వైపు అడుగులు వేయిస్తుంది.. ఆరోగ్యవంతమైన మనస్సు దాన్ని అదుపు చెప్పే మేధావి తనం ఉంటే చాలన్నమాట.

Nemalika

మనస్సుకి కట్టలు వేస్తే విజయం తధ్యం

February 20, 2017February 20, 2017

0 mins read

నీహారికా , సక్సెస్ కీ ఫెయిల్యూర్స్ కి ప్రత్యేకమైన కోణాలు ఉంటాయా ?…

Nemalika

హాబీలకు సమయం కేటాయించాలి

February 18, 2017

0 mins read

నీహారికా , రోజుకు 12 గంటలే మేలుకుని ఉంటాం . ఈ కాస్త…

నీహారికా , ఇవ్వాళ ఓ అధ్యయనం రిపోర్ట్ వచ్చింది. ఒక ప్రముఖ హార్డ్ వేర్ సంస్థ చేసిన అధ్యయన రిపోర్ట్ లు సంస్థలు ఓ కొత్త ప్రాజెక్ట్ చెప్పటలంటే అమ్మాయిలు దానిపైన వాళ్లకు పూర్తీ అవగాహనఉంటేనే ముందుకొస్తున్నారట. అదీ అబ్బాయిలు దానిపై 40 శాతం అవగాహన వున్నా అవకాశం వదులుకోకూడదు అని దూకేస్తున్నారట. మరి అమ్మాయిలు అంత సహనంగా ఆ అవకాశం ఉపయోగించుకుందామని ఎందుకు అనుకోరు ? అంటే చాల విషయాల్లో వెనుకడుగు వేసి సిగ్గుపడి . మొహమాటపడి బావుందనుకుని వెనకే వుంటారు . కానీ అధ్యయనకారులు ఆలా వెనక్కి తగ్గద్దు మీరు పడ్డ శ్రమ మీకు తెలిసినదాన్ని మీ నైపుణ్యాలనీ జీతం పదోన్నతీ విషయంలో దాచుకోకండి. మీ శక్తి సామర్ధ్యాలని తప్పకుండా ప్రచారం చేసుకోండి అంటున్నారు. ఒక జాబ్ లో చేరాక ఎంతో పని చేస్తారు నేర్చుకుంటారు . చదువుకునే కళాశాల నుంచి ఆ విఙానం తో గొప్ప విజయాలు సాధించేందుకు ఉద్యోగంలో అడుగుపెడతారు. అక్కడ ఏ అవకాశమూ వదులుకోవద్దు. మీరు సాధించిన విజయాలు సొంత డబ్బా అనుకుంటారేమో అన్న భయంతో మనసులోనే ఉంచుకోవద్దు. తప్పకుండా ప్రతి అవకాశం అందిపుచ్చుకోమంటున్నారు. చక్కగా ప్రతి ఇంప్రూవ్మెంట్ ని బయోడేటా లో చేర్చుకోండి. అదే మిమ్మల్ని కోరుకున్న గమ్యానికి చేరుస్తుంది. అంటున్నారు. ఈ రిపోర్ట్ ని నోట్ చేసి పెట్టుకుజో. ఫ్యూచర్ లో పనికి వస్తుంది.

Nemalika

మిమల్ని మీరు పొగుడుకుంటే తప్పేం కాదు

February 16, 2017

0 mins read

నీహారికా , ఇవ్వాళ ఓ అధ్యయనం రిపోర్ట్ వచ్చింది. ఒక ప్రముఖ హార్డ్…

నీహారికా , మనం ఎవర్నేనా కలుసుకున్నప్పుడు ఫోన్ లో పలకరించుకున్నప్పుడు అంతా హ్యాపీ యేనా అని అడుగుతాం కదా . మనల్ని అలాగే అడుగుతారు . ఆరోగ్యంగానే కంప్యార్టబుల్ గానీ అని చెప్పినంత సులువుగా సంతోషం గురించి చెప్పేందుకు ఏవీ వుండవు. సంతోషం ఎక్కడి నుంచి రవళి. సంతోషం కావాలంటే అది వుండే వైపుకు ఓ అడుగువేయాలి . స్విమ్మింగ్ ఫూల్ లో జంప్ చేయునప్పుడు జుట్టు నీళ్లు చిందినంతగా మన చుట్టూ ప్రేముంటుంది. కానీ మనలో ప్రతికూలత ఇదంతా నిజమేనా అని అనుమానం భయం కోపం సందేహం ఇవన్నీ తొలగిస్తే ప్రేమ సంతోషం అన్నీ ఉంటాయి. అసూయ తొలగిస్తే ఆప్లేసులోకి ఇతరుల క్షేమం పట్ల ఆసక్తి కలుగుతుంది. సందేహం వదిలేస్తే ప్రపంచం మొత్తం ప్రేమ తోనే నిండివున్నట్లు ఉంటుంది. కోపం కాస్త తగ్గించుకుంటే ఎదుటి మనిషికి సర్వం ఇచ్చేద్దామనిపిస్తుంది. ఇలా మనలో వుండే ప్రతి కుల స్వభావాన్ని తీసేస్తూ వస్తే ఇంకేముంది. చిన్న గాలికి ఒక గడ్డిపూవు సౌందర్యానికి ఒక పసి పాప నవ్వుకీ ఎవరో తెలియని మనిషికి కూడా మనం చిరునవ్వుతో ఇచ్చే పలకరింపుకి ఎంతో ప్రాధాన్యత ఇచ్చేస్తాం. మనం చూపిన రెండు చేతుల నిండా స్నేహం ప్రేమ వాత్సల్యం ఇష్టం నిండిపోయేన్ని దొరుకుతాయి. ఆ సమయంలో ఎవరైనా హ్యాపీ నా అన్నారనుకో హ్యాపీ గాక ఈ జీవితంలో ఏముంటుంది ఆఖరి నిమిషం దాక మన పెదవులు ఎదో ఒక సందర్భాన్ని ఇష్టపడుతూ నవ్వుతూనే ఉంటాయి. టెన్షన్లు స్ట్రెస్ లు అస్సలు అనారోగ్యాలు మటు మాయం అయిపోతాయి. ఏమంటావు హ్యాపీ యేనా ?

Nemalika

మీరు హ్యాపీ యేనా ?

February 15, 2017February 15, 2017

0 mins read

నీహారికా , మనం ఎవర్నేనా కలుసుకున్నప్పుడు ఫోన్ లో పలకరించుకున్నప్పుడు అంతా హ్యాపీ…

నీహారికా ,ఒక ప్రత్యేకమైన రోజు అది పుటిన రోజు కావచ్చు. స్కూల్ ఫంక్షన్ కావచ్చు. పరీక్ష పాసయిన రోజు కావచ్చు. ఆరోహు ప్రత్యేకంగా కొత్త దుస్తులు వేసుకుని శ్రద్ధగా అలంకరించుకొంటాం. అంటే ఆరోజుని సెలబ్రేట్ చేయటం ఇవ్వాళ నాకెంతో ముఖ్యం నేనేదో సాధించాననే పాజిటివ్ ఫీలింగ్ మనల్ని ఉత్సాహంలో నింపుతుంది. ఆరోజు చూడు చిన్న ఆకు గాలికి కదిలినా మనల్ని పలకరించినట్లు ఉంటుంది మనలో ఒక ఆత్మ స్థైర్యం ఉంటుంది. అదెలా వచ్చిందంటే సంతోషం లోంచి మనల్ని మనం సెలబ్రేట్ చేసుకుంటున్న ఆనందం లోంచి వచ్చింది . మనం ప్రతి రోజునే ప్రతి నిమిషాన్ని సెలబ్రేట్ చేసుకోవాలంటాను . అప్పుడు మనలో నెగిటివ్ ధాట్స్ రావు. ఒత్తిడి ఉండదు. రిలాక్స్ గా ఉంటాం. సృజనాత్మకత పెరుగుతుంది. మంచి ఫలితాలు వస్తాయి. ప్రతి రోజునీ పుట్టిన రోజు లాగే భావిస్తే మన పుట్టుక ఎదో సాధించటానికనే ఆలోచన నీలో కలిగితే దానికోసం నువ్వు కష్ట పడేందుకు కదిలితే ఇంకేముంది చెప్పు . కష్టపడేందుకు సిద్ధం అయితే ఏది అసాధ్యం . ఒక వ్యాపారం లాభం సాధించినవారిని ఒక ఐఏఎస్ పాసయినవాడిని అదే ఇదెలా అంటే ఏమంటారు. దానిపైనే దృష్టి పెట్టాం అంటారు. విజయానికి దగ్గర దార్లు ఎప్పుడు వుండవు. రాజ మార్గమే. అలసట అనుకోకుడన నడిచి తీరటమే ! గమ్యం చేరటమే !

Nemalika

ప్రతి నిమిషాన్ని సెలబ్రేట్ చేసుకుందాం

February 13, 2017

0 mins read

నీహారికా , ఒక ప్రత్యేకమైన రోజు అది పుటిన రోజు కావచ్చు. స్కూల్…

నీహారికా , ఇందాక మా ఫ్రెండ్ మాట్లాడిన ఫ్రిజ్ లకు స్టిక్కర్ల వ్యవహారం నీకు నవ్వొచ్చింది కానీ చాలా మంది కుటుంబాలు ఇలాగె ఉంటున్నాయి, మా ఇంట్లో ఉన్న నలుగురం తలోదారిన ఉదయాన్నే ఉద్యోగాలు కాలేజీలు అంటూ బయటకి పోతాం. ఏవైనా చెప్పుకోవాలిసి వస్తే ఓ స్లిప్ రాసి ఫ్రిజ్ కి అంటించుకుంటాం. ఆ స్లిప్ లీ మామధ్య కమ్యూనికేషన్ అందామె. చాలా స్కూళ్లల్లో ఇంతే . కలిసి కూర్చుని భోజనం చేయటం మాట్లాడుకోవటాలు చర్చలు అన్నీ బంద్. హడావుడిగా మొక్కుబడిగా పరుగులతో జీవితం .. ఎవరి చేతిలో వాళ్ళ ఫోన్లు లాప్ టాప్ లు. అసలు ఒకళ్ళ నొకళ్ళు అర్ధం చేసుకునే అవకాశం కూడా లేని బిజీ ఉద్యోగాల భార్య భర్తలు వాళ్ళ పిల్లల డే కేర్ సెంటర్లలో ఏం జరుగుతోంది. మానవ సంబంధాలు నశించి పోతున్నాయి. అసలు మాటలే కరువైతే సంబంధాలెక్కడ? కానీ ఒకటి మాత్రం బలంగా చెప్పాలని వుంది. పగలంతా ఎవళ్ళ జీవితం వాళ్ళదిగా గడిపినా కనీసం రాత్రివేళ కలిసి భోజనం చేయండి. ఆ కాస్త సమయం మీకోసం మిగుల్చుకోండి. ఇంటి గురించి పిల్లల గురించి ఫ్యూచర్ గురించి మాట్లాడుకోండి. మనుషుల మధ్య మాటల వంతెనలు లేకపోతే మాటలే తెగిపోతే ఆప్యాయతలు ఎలా వస్తాయి. అప్పుడు సౌకర్యాలు సంపదలే ఉంటాయి. కానీ ప్రేమించే మనుషులే వుండరు. ఆ స్థితి తెచ్చుకోవద్దు అని . ఏమంటావ్ !

Nemalika

మాటలే తెగిపోతే ప్రేమ లెక్కడ

February 11, 2017

1 min read

నీహారికా , ఇందాక మా ఫ్రెండ్ మాట్లాడిన ఫ్రిజ్ లకు స్టిక్కర్ల వ్యవహారం…

నీహారికా , స్నేహానికి కూడా హద్దులుంటాయి అన్నావు. హద్దులంటే స్థలాలకు ళ్ళకు మధ్య ఉండేలాంటివే. కొంతవరకే స్నేహంలో అయినా ముందులేళ్ళగలం. ఎంతవరకు వెళ్ళాలి. ఎలా గుర్తించాలి. అంటే మరి దాన్ని సభ్యతగా ప్రవర్తించటం అనాలి. మనిషి అంగీకరించినా అంగీకరించకపోయినా ప్రతి మనిషి చుట్టూ ఒక హద్దు గీత కనిపించకుండా ఉంటుంది. అది ఎంత దూరం అనేది ఆ వ్యక్తి వ్యక్తిత్వాన్ని బట్టి ఉంటోంది . కొందరి సరిహద్దు చాలా విశాలంగా ఉండి ఎదుటివారిని కొంత మనసుకి దగ్గరగా రానిస్తుంది. కానీ మనం గుర్తించవలిసింది ఎదుటి వాళ్ళ వ్యక్తిగత సమయం వ్యక్తిగత అభిప్రాయాలూ ఆలోచనల హద్దులు స్నేహితులు కదా అని పర్సనల్ విషయాల్లోకి దూసుకుపోవటం అడక్కపోయినా అభిప్రాయాలూ చెప్పేయటం ఒక విషయంలో చాలా త్వరగా ఒక నిరణయానికి వచ్చ్చేయటం స్నేహాలను పాడుచేస్తాయి. అందుకే హద్దులు కావాలన్నది. ఎంత స్నేహితులు ఆత్మ బంధువు లైనా సరే ఒక సున్నితమైన రేఖ ఉంటుంది. మనం దాన్ని దాటి ప్రయత్నం చేయకూడదు . అలాగే అన్నీ గబగబా చెప్పేసుకుని మళ్ళీ మన విషయాలు అవతలి వాళ్లకు తెలిసిపోయాయే అన్న న్యూన్యత మన లోనూ రాకూడదు. అందుకని కొంచెంగా మనకు ప్రైవసీ ఉంచుకోవాలి. అందులోకి ఎవర్ని తొంగిచూడనీయ వద్దు. అదే హద్దుల్లో వుండే స్నేహం అంటే. అలావుంటే స్నేహాలు ఎప్పటికీ శాశ్వతం. !!

Nemalika

కనిపించని సరిహద్దులుంటాయి

February 10, 2017

1 min read

నీహారికా , స్నేహానికి కూడా హద్దులుంటాయి అన్నావు. హద్దులంటే స్థలాలకు ళ్ళకు మధ్య…

నీహారికా , కొన్ని వార్తలు చదువుతుంటే చాలా ఇన్స్పైరింగ్ గా ఉంటుంది . ఈ పదం విను వాల్స్ ఆఫ్ కైండ్ నెస్. తెలుగు లోచూస్తే మానవత్వపు గోడలు. ఇవి జైపూర్ అలహాబాద్ డెహ్రాడూన్ వంటి అనేక నగరాల్లో నెక్కీ కీ దీవార్ పేరుతో కనిపిస్తాయి. ఆ గోడలకు అందంగా పెయింట్ చేసి మీకు అవసరం లేనివి ఇవ్వండి. మీకు కావలిసినవి పట్టుకుపోండి. అని కొటేషన్స్ రాస్తారు. గోడల నిండా హంగులుంటాయి. దాతలు తమకు ఉపయోగపడని దుప్పట్లు టోపీలు బట్టలు ఇలా తమకు అక్కర్లేనివి ఇతరులకు ఉపయోగపడతాయి అనుకున్నవి ఇక్కడ తగిలిస్తారు. పుస్తకాలూ చెప్పులు కూడా . ఈ సేవాతత్పరణ దేశం అంతా పారుతుంది. రోడ్డు పక్కన నివసించేవారికి ఇవి ఉపయోగపడుతున్నాయి. ఇరాక్ పాకిస్థాన్ లోకూడా ఏ కాన్సప్ట్ మంచి ఫలితం ఇచ్చింది. ఇప్పుడు భోపాల్ లో మొదలుపెట్టారు. ఊరు పేరు దగ్గర నుంచి కృతజ్ఞతలు దొరుకుతాయి. దీని కోసం అడ్మినిస్ట్రేషన్ రిజిస్ట్రేషన్ అక్కర్లేదు. అందంగా పెయింట్ చేసిన చిన్న గోడ కొన్ని హ్యాంగర్లు దానం ఇచ్చేవాళ్ళు ఇస్తారు. తీసుకునేవాళ్ళు తీసుకుంటారు. ఎలా వుంది చెప్పు. పేరే బావుంది. వాల్స్ ఆఫ్ కైండ్ నెస్. మానవత్వపు పరిమళాలు.

Nemalika

మానవత్వపు పరిమళాలు ఈ గోడలు

February 9, 2017

1 min read

నీహారికా , కొన్ని వార్తలు చదువుతుంటే చాలా ఇన్స్పైరింగ్ గా ఉంటుంది .…

Nemalika

కబుర్లు చెప్పటం ఒక ఆర్ట్

February 8, 2017

0 mins read

నీహారికా , గంటసేపు ఏం మాట్లాడవు ఫ్రెండ్ తో అంటే ఎదో ఫార్మాలిటీ…

Category: Nemalika